चोरीके मोटरसाईकल सम्बन्धित धनीहे बुझागिल

पहुरा समाचारदाता
धनगढी, ९ माघ । जिल्ला प्रहरी कार्यालय कैलाली चोरीके मोटरसाइकल सम्बन्धित धनीहे बुझैले बा ।

यिहे माघ ८ गते सकारे १० बजे धनगढी उपमहानगरपालिका वडा नम्बर ३ चटकपुरस्थित बर्षा होटल लग्गेसे होण्डा कम्पनीके युनिकर्न १६० सिसिके से ४ प ९१४३ नम्बरके मोटरसाईकल चोरी हुइल कहिके खेम कुमार चोखाल जानकारी डेहल रहिट ।

खबर पाइल लगटे खटल प्रहरी टोली खोज तलास करटी जाईबेर ८ गते साँझ ६ बजेक समयमे उ मोटरसाईकल फेलापरल जिल्ला प्रहरी कार्यालय कैलाली जनैले बा ।

फेलापरल गाडी शुकके रोज सम्बन्धित सवारी धनीहे बुझाइल ओ चोरीमे संलग्न व्यक्तीके खोज तलास हुइटी रहल प्रहरी जनैले बा ।