प्रदेशमे स्वरोजगार बनैना नीति बनाजैना
पहुरा समाचारदाता
धनगढी, ९ गते । सुदूरपश्चिम प्रदेशके प्रदेश नीति तथा योजना आयोगके उपाध्यक्ष केशरबहादुर साउँद प्रदेशमे बेरोजगार युवाहे रोजगार बनैना नीति आयोगसे बनैना बटैले बाटै ।
प्राविधिक शिक्षा तथा व्यावसायिक तालिम परिषद् (सीटीइभीटी) सुदूरपश्चिम प्रदेश कार्यालयसे शुकके धनगढीमे आयोजना करल अन्तरक्रिया कामर्यक्रमे उहाँ ओइसीन बटैले बाटै । उपाध्यक्ष साउँदसे सुदूरपश्चिम प्रदेशके तत्कालीन एवम् अल्पकालीन समस्या कहलक बेरोजगारी रहल उल्लेख करलै । ‘मने, बेरोजगारी समस्याहे व्यवस्थापन कैना हम्रे समक्ष ढिउर चुनौती बा,’ उहाँ कहलै । ‘यद्यपि, इ हमार लाग अवसर फेन हो । आयोगसे अइना दिनमे नीति बनाके बेरोजगारी समस्या व्यवस्थापनमे लग्ना बा ।’
उहाँ सुदूरपश्चिम प्रदेशमे ढिउर सम्भावना रहल उल्लेख कैटी ओइसीन सम्भावानाहे सदुपयोग करटी उद्यम, व्यवसाय लगायतहे आघे बह्राइलमे समृद्धि हासिल करे सेक्ना बटैलै ।
