अध्यक्षद्वय प्रचण्ड ओ नेपाल धनगढी अइना

पहुरा समाचारदाता
धनगढी, ११ माघ । नेकपा प्रचण्ड–नेपाल समूहसे धनगढीमे सरकार विरुद्ध विरोध सभाके आयोजना कैना हुइल बा ।

अँट्वारके नेकपासे पत्रकार सम्मेलनके आयोजना कैटी माघ १७ गते हुइना विरोध सभाबारे जानकारी डेहल हो । सुदूरपश्चिम इन्चार्ज भीम रावलसे विरोध सभाहे पार्टीके अध्यक्षद्धय पुष्पकमल दाहल ‘प्रचण्ड’ ओ माधवकुमार नेपालसे सम्बोधन कैना बटैलै ।

विरोध सभा धनगढीके खुलामञ्चमे आयोजना करजैना रावल बटैलै । सभाहे पार्टीके अन्य नेताहुक्रे फेन सम्बोधन कैना हुइलस फेन नाउँभर टुंगो लग्ना बाँकी रहल बा ।

प्रतिनिधि सभा विघटन करल प्रधानमन्त्री केपी शर्मा ओलीके कमद विरुद्ध सभा आयोजना करे लागल इन्चार्ज रावल बटैलै ।