सुदूरपश्चिम स्पोर्टस अवार्डहे निसर्गके साथ
पहुरा समाचारदाता
धनगढी, १४ माघ । धनगढीमे हुइना डुसरा सुदूरपश्चिम स्पोर्टस अवार्डहे धनगढीके हसनपुरमे रहल निसर्ग हस्पिटल एण्ड रिसर्च सेन्टरसे साथ डेले बा ।
नेपाल खेलकुद पत्रकार मञ्च कैलालीसे धनगढीमे आयोजना कैना स्पोर्टस अवार्डके डुसरा संस्करणमे निसर्ग हस्पिटलसे प्रायोजन करके साथ डेहल हो । स्पोर्टस अवार्डमे डेना ९ विधा मन्से बर्षके उत्कृष्ट युवा खेलाडी अवार्डके विधाहे निसर्गसे प्रायोजन करल हो ।
आब यी विधाके नाम निसर्ग हस्पिटल युवा बर्ष खेलाडी रही । खेलकुदमे कम उमेरमे बर्ष २०७६ सालमे उत्कृष्ट प्रदर्शन करल १९ बर्ष टरेक खेलाडीहे डेना यी विधाके विजेताहे नगद २५ हजार सहित ट्रफी ओ मेडल प्रदान करजाई ।
विधा प्रायोजन सम्बन्धी सम्झौता पत्रमे निसर्ग हस्पिटल एण्ड रिसर्च सेन्टर प्रालिके अध्यक्ष तिर्थ पन्त ओ प्रवन्ध निर्देशक कुवेर शाही तथा नेपाल खेलकुद पत्रकार मञ्च कैलालीके सल्लाहकार दिपक उपाध्यायसे हस्ताक्षर करलै ।
