दृष्टि फाउण्डेसनहे डन्डुर लुगरा

पहुरा समाचारदाता
धनगढी, १७ माघ । कोरोना कहरके बेला दुर्गालक्ष्मी बहुमुखी क्याम्पसमे संकलन हुइल लुगरा दृष्टि फाउण्डेसनहे सहयोग करल बा ।

सामाजिक अभियानता यशोदा भट्टके आर्थिक सहयोगमे दुर्गालक्ष्मी बहुमुखी क्याम्पसमे रहल १९ ठो ब्लायङकेट, ३ ठो डसना, २१ ठो झुल, १८ सिरह्न्नी, २३ ठो तन्ना, २ ठो फिना, १ ठो चद्री लगायतके कपडा फाउण्डेसनमे जाके हस्तान्तरण करल हो ।

क्याम्पसमे ओस्टहे खराब हुइटी रहल कपडा फाउन्डेशनमे सहयोग करे पाके बहुट खुसी हुइल क्याम्पस प्रमुख डम्बर पाल बटैलै ।

फाउण्डेसनके अध्यक्ष कल्पन भट्ट सहयोग कार्यक्रममे बोल्टी दुर्गालक्ष्मी बहुमुखी क्याम्पसहे विशेष धन्यवाद डेटी फाउण्डेशनहे सम्झलकमे आभार प्रकट करली ।