कैलाली उवासंघसे स्वर्ण जयन्ती मनैना

पहुरा समाचारदाता
धनगढी, १८ माघ । कैलाली उद्योग वाणिज्य संघ धनगढी आपन ५०औं स्थापना दिवसके अवसरमे स्वर्ण जयन्ती मनैना हुइल बा । वाणिज्य संघसे टमान कार्यक्रम आयोजना कैना स्वर्ण जयन्ती मनाइ लागल हो ।

शनिच्चरके आयोजित पत्रकार सम्मेलनमार्फत संघके अध्यक्ष पुष्प कुँवर स्वर्ण जयन्तीके अवसरमे आज (अँट्वार)के सकारे प्रभात फेरी निकर्ना, संस्थापक अध्यक्ष दिलिप सिंह मल्लसे नि–वर्तावन अध्यक्षके शालिक निर्माण कैना, अँट्वार साँझके धनगढीके पार्कमोडमे दीप प्रज्जलन कैना फेन कार्यक्रम रहल बटैलै ।