एलपिएलके सहप्रायोजकमे गुरु जी जोरल
पहुरा समाचारदाता
धनगढी, १८ माघ । फागुन १५ से २४ गतेसम धनगढीमे हुइना पाँचौ सिजनके चन्डिका ग्रुप लिटिल फ्लावर प्रिमियर लिग (एलपीएल)के सहप्रायोजनमे गुरु जी सटिङ एण्ड सुटिङ धनगढी जोरल बा ।
प्रत्येक खेलके म्यान अफ द म्याचके नगद तथा ट्रफीके लाग पुरस्कार व्यवस्था सटिङ एण्ड सुटिङ कैडेना हुइल बा । अँट्वारके रोज धनगढीमे हुइल पत्रकार सम्मेलनमे उ पुरस्कारके व्यवस्था गुरु जी सटिङ एण्ड सुटिङ जनागिल बा ।
संघीय प्रहरी इकाई कार्यायलके खेलमैदानमे सञ्चालन हुइना विद्यालय स्तरीय यु–१९ राष्ट्रिय क्रिकेट प्रतियोगिताके सहप्रायोजकके रुपमा धनगढीस्थित गुरु जी सटिङ एण्ड सुटिङ जोरल हो ।
प्रायोजन सम्बन्धी सम्झौतापत्रमे गुरु जी सटिङ एण्ड सुटिङके सञ्चालक सतिश जोशी ओ आयोजक लिटल फ्लावर स्पोटर्स एण्ड ईभेन्ट्स प्रालिके अध्यक्ष रामचन्द्र शाहीके बीचमे सम्झौतापत्रमे हस्ताक्षर हुइल बा ।
सम्झौता कार्यक्रममे गुरु जी सटिङ एण्ड सुटिङके सञ्चालक जोशी क्रिकेट प्रतियोगितामे जोरके सामाजिक उत्तरदायित्व बहन करल बटैलैं । उहाँ व्यवसाय क्षेत्रओर अग्रसर हुइटीरहल अवस्थामे क्रिकेटके जग बैठैना कार्यक्रममे सहयोग करल बटैटी सब जहनहे सहयोग करना आग्रह हरलैं ।
चण्डिका गु्रप लिटल फ्लावर प्रिमियर लिग–५ के मुख्य प्रायोजक टीकापुरमे रहल चण्डिका ग्रुप रहल बा । प्रतियोगिताके उपविजेता पुरस्कार रकम धनगढी उत्तरवेहडीस्थित गुरुकुल एकेडेमी प्रायोजन करले बा ।
प्रतियोगितामे हस्पिटालिटी पार्टनरके रुपमे ईमेज होटेल प्रालि साथ डेले बा । प्रतियोगितामे सहप्रायोजकके रुपमे हिमालयन ह्वाईट हाउस इन्टरनेसनल कलेज तिनकुने काठमाडौं, मृग गार्मेन्ट उद्योग चटकपुर धनगढी, जोशी अप्टिकल एण्ड आई केयर सेन्टर धनगढी, ओयसिस होटेल म्यानेजमेन्ट कलेज धनगढी चटकपुर, अमेरीका निवासी समाजसेवी जयन्ती थापा, निसर्ग हस्पिटल एण्ड रिसर्च सेन्टर धनगढी, दहाल पुस्तक पसल धनगढी, नेप्स कफी एण्ड फुड प्रडक्ट प्रालि चितवन, दीपेश ईन्फोसिस धनगढी, एडभेन्चर वेस्ट होलिडेज धनगढी, रोज कलेक्सन वमेन्स वयर धनगढी कैलाली साथ डेले बा ।
कार्यक्रममे गुरुकुल एकेडेमीके म्यानेजिङ डाइरेक्टर दीपक सुरी लगायतके सहभागिता रहे । प्रतियोगितामे राष्ट्रिय प्रतियोगिता खेलसेकल खेलाडीकेफे सहभागीता रहना जनागिल बा ।
