थरुहट थारुवान राष्ट्रिय सम्मेलनके तयारी तीब्र

पहुरा समाचारदाता
धनगढी, २० माघ । ‘शान्ति सद्भाव न्याय ओ अधिकारके लाग दासता विरुद्धके थरुहट थारुवान विशेष राष्ट्रिय सम्मेलन’ के तयारी तीब्र रहल आयोजक समिति जनैले बा ।

थरुहट थारुवान राष्ट्रिय मोर्चाके जिल्ला संयोजक माधब थारुके अनुसार अइना फागुन १५ ओ १६ गते कैलालीमे हुइ लागल विशेष सम्मेलनके तयारीके लाग जिम्मेवारी बाँडफाँड हुइल जनैलै ।
मोर्चासे कैलालीके जोशीपुरमे बैठल बैठकसे माघ २३ गते कोइलहीमे थरुहट थारुवान युवा, महिला, बिद्यार्थी ओ बरघर भलमन्साके जिल्ला सम्मेलन कैना संयोजक थारु बटैलै ।

उहाँ राज्यहे सहज रुपमे दवाब कैना अन्तरक्रिया छल्फल तथा थरुहट थारुवान राष्ट्रिय मोर्चाके नगरपालिका ओ गाउँपालिका स्तरिय भेला कैना बटैलै । साथे कैलारी गापामे माघ २१ गते, गोदावरी नपामे माघ २२ गते, घोडाघोडी नपामे माघ २४ गते, टीकापुर नपामे माघ २५ गते भेला कैना तयारी हुइल बा ।

ओस्टके जानकी गापामे माघ २५ गते, गौरीगंगा नपामे माघ २६ गते, बर्दगोरिय गापामे माघ २७ गते, लम्कीचुहा नपामे माघ २७ गते, जोशीपुर गापामे माघ २८ गते, भजनी नपामा माघ २९, धनगढी उमनपामे फागुन १ गते भेला हुइना जनाइल बा ।