चौलानी डिपार्टमेण्टलसे ‘मंगलवार बजार’ धमाका
पहुरा समाचारदाता
धनगढी, २० माघ । चौलानी डिपार्टमेण्टल स्टोरसे ग्राहकहुकनके सुविधाके लाग मंगरसे ‘मंगलवार बजार’ धमाका सुरु करले बा ।
चौलानीसे ग्राहकहुकहे आकर्षित कैना सुरु करल यी अफर अन्तर्गत हरेक मंगर चौलानी डिपार्टमेण्टल स्टोरमे सामान खरीद कैना ग्राहकहे सामान खरीदमे भारी छुट डेना जनैले बा । चौलानी डिपार्टमेण्टलमो सामान खरीद कैना ग्राहकके लाग मंगर विशेष दिन हुई, जे हप्तामे औन दिनके तुलनामे हरेक सामानमे भारी छुट पैही, चौलानी ग्रुप अफ कम्पनीजके प्रबन्ध निर्देशक मानसिंह साउँद कहलै, ग्राहकहुकनहे ढेरसे ढेर सुविधा डेना सोच अन्सार हम्रे यी अफर नानल हुई ।
ग्राहकहुकनके सेवा ओ सुबिधाहे हम्रे जबफे प्राथमिकतामे धरले बटी, उहे उद्देश्य अन्सार ‘मंगलवार बजार’ अफर सुरु करल हुई, साउँद कहठै, ग्राहकहुकनके यी विशेष अफरके लाभ उठैना आग्रह करटी ।
चौलानी ग्रुप अफ कम्पनीज अन्तर्गत हाल धनगढी मुल सडकमे डिपार्टमेण्टल स्टोर ओ चौराहामे मिनी मार्ट सञ्चालनमे बा । यी अफर दुई स्टोरमे डेना चौलानी ग्रुप अफ कम्पनी जनैले बा । चौलानीके लौवा मार्ट धनगढीके क्याम्पस रोडमे लौवा वर्षमे सञ्चालनमे अइना जनागिल बा । शुरुवात लौवा सोचके कना नारा सहित धनगढीमे स्थापना हुइल चौलानी डिपार्टमेण्टल स्टोर सुदूर पश्चिमके पहिल डिपार्टमेण्टल स्टोर हो ।
चौलानी गु्रप अफ कम्पनीज अन्तर्गत डिपार्टमेण्टल स्टोर, निको रेष्टुरेन्ट, रेडमड कफी सप, क्लव चौलानी, फिटनेश सेन्टर, स्वीमीङ पुल, पिज्जा स्टेशन, चौलानी पुस्तक भण्डार लगायतके व्यवसायिक फर्म सञ्चालनमे बटै ।
