रानाथारु जाति पहिल सूचीकरण दिवस मनैलै

पहुरा समाचारदाता
धनगढी, २१ माघ । सुदूरपश्चिमके कैलाली ओ कञ्चनपुर जिल्लामे किल बासोबास रहल आदिवासी रानाथारु जाति पहिल सूचीकरण दिवस मनैले बाटै ।

वर्षौंसे आदिवासी जनजातिमे सूचीकरण करे पर्ना माग करटी आइल उ जातिहे गैल बरस सरकारसे अलग्गे जातिके रुपमे सूचीकृत करल रहे । सूचीकरणपाछे आपनहुक्रनके पहिचान खुलल् तथा अधिकार प्राप्तिके ढोका खुलल् कहटी उ जाति तथा समुदाय मंगरके पहिल सूचीकरण दिवस मनाइल रानाथारु समाजके केन्द्रीय उपाध्यक्ष कमल सिंह राना बटैलै ।

उ जातिहे गैल बरस २० माघमे मन्त्रिपरिषद्के बैठकले आदिवासी जनजातिके रुपमे अलग्गे सूचीमे सूचीकृत करल रहे । समाजशास्त्री डा. ओम गुरुङ संयोजकत्वमे विसं २०६५ सालमे गठित आदिवासी जनजाति सूची परिमार्जन उच्चस्तरीय कार्यदलके प्रतिवेदनके आधारमे उ समुदायहे सूचीकृत करल हो ।

कैलाली कञ्चनपुर जिल्लामे उ जातिके छुट्टे पहिचान रहल बा । उपाध्यक्ष रानाके अनुसार कैलाली ओ कञ्चनपुरमे उ जातिके साढे ३ लाख ढिउर जनसंख्या रहल बा ।