दाहाल–नेपाल समूहसे राँँको जुलुश प्रर्दशन
पहुरा समाचारदाता
धनगढी, २१ माघ । प्रतिनिधिसभाके असंवैधानिक विघटन ओ संवैधानिक नियकामे सिफारिसके विरोधमे दाहाल–नेपाल समूहसे बुधके रोज धनगढीमे राँँको जुलुश प्रर्दशन करले बा ।
पार्कमोडसे निकारल राँँको जुलुश एलएन चोकमे पुगके कोणसभामे परिणत हुइल रहे । कोणसभाहे दाहाल–नेपाल समूहके नेता तथा प्रदेश कमिति सदस्य रमेश धामी सम्बोधन करटी केपी ओली सरकारले संविधानके बाहेर जाके नियूक्त करल विरोधमे राँको जुलुश प्रदर्शन करल बटैलै ।
आन्दोलनके सुरुवाट हुइल कहटी उहाँ विफेक रोज आमहडतालके घोषणा करटी रिक्सा आटो टेम्पुसमेट बन्द रहना बटैलै । ‘हम्रे डमरु हुई, बाघके बच्चा हुई असबैधानिक कदमके विरुद्ध जनता सडकमे आसेकल बा,’ उहाँ कहलै, ‘पाँच बरसके लाग डेहल म्यान्डेड तीन बरसके टुहाइ नइडेब, सर्वोच्चामे मुद्दा बा, जनताके पक्षमे निर्णय नइअइलेसे आन्दोलनके आँधी बेरी आई सेकी ।’
राँँको जुलुशमे केपी ओलीके विरोधमे टमान नारा प्रर्दशन कैगिल रहे ।
