लैङिगक विभेद घरसे कार्यक्षेत्रसम
पहुरा समाचारदाता
धनगढी, २२ माघ । धनगढी उपमहानगरपालिकाहे लैङ्गिक मैत्री बनाएक लाग विफेक रोज जनप्रतिनिधी, महाशाखा शाखाकके प्रमुख लगायत सरोकारवालाहुकनहे अभिमूखीकरण करल बा ।
कार्यक्षेत्रमे लैङ्गिक रुपमे कैना विभेद न्यूनिकरणकके लाग अभिमूखीकरण करल हो । धनगढी उपमहानगरपालिकाके उपप्रमुख सुशीला मिश्र भट्ट लिङ्गके आधारमृ घर ओ समाजमे केल नइहुके कार्यक्षेत्रमे फे बिभेद हुइना ओरसे अभिमूखीकरण आवश्यक रहल बटैली । बहुट मजा छलफल हुइल उपप्रमुख भट्ट कहली, ‘लैङ्गिक विभेदके मुद्दासे सक्कुहुनहे गम्भीर बनाइल ।’
धनगढी उपमहानगरपालिकासे महिला सेवाग्राहीकेक लाग स्तनपान कक्ष तयार करल जानकारी डेली । यी एक ठो प्रयास रहे उपप्रमुख भट्ट कहली ‘ढेर महिला कर्मचारी रहल ओरसे शिशु स्याहार कक्षफे कार्यालय भिटरे बनाई परी कनामे मै लागल बाटु ।’ धनगढी उपमहानगरपालिकामे अपाङ्ग सेवा कक्षफे निर्माण करल उपप्रमुख भट्ट बटैली ।
कार्यक्रमे सहजीकरण त्रिभूवन विश्व विद्यालय जेन्डर स्टडिजके प्रोफेसर मिरा मिश्र करले रहिट । उहाँ समाजमे रहल ब्यक्ति टमान मेरिक विबिधता रहल बटैली । उहाँ कहली, ‘बिविधता मजा हो मने ओकरे आधारमे विभेद हुई नइपरल ।’ कार्यक्रम धनगढी उपमहानगरपालिका ओ एकाउन्टबिलिटी ल्यावसे आयोजना करल रहे ।
