खाद्यान्न तथा लत्ता कपडा वितरण
पहुरा समाचारदाता
धनगढी, २४ माघ । कैलालीके धनगढी उप–महानगरपालिका– १३ गेटास्थित श्रीलंका मुक्तकमैया बस्तीमे खाद्यान्न तथा लत्ता कपडा बितरण कैगिल बा ।
नेपाल प्रहरी श्रीमती संघ, भृकुटी मण्डप काठमाण्डौँके आयोजनामे शुकके रोज खाद्यान्न तथा लत्ता कपडा बितरण कैगिल हो ।
नेपाल प्रहरी श्रीमती संघके अध्यक्ष सिर्जना थापाके अध्यक्षता तथा धनगढी उप–महानगरपालिकाके उप–प्रमुख सुशिला मिश्र भट्टके वडका पहुनामे मुक्तकमैया बस्तीमे खाद्यान्न तथा लत्ता कपडा बितरण कैगिल रहे ।
कार्यक्रममे नेपाल प्रहरी श्रीमती संघके पदाधिकारी, सुदुरपश्चिम प्रदेश प्रहरी कार्यालयके प्रमुख प्रहरी नायब महानिरीक्षक उत्तमराज सुबेदी, जिल्ला प्रहरी कार्यालय कैलालीके प्रमुख प्रहरी उपरीक्षक अनुपम शमशेर ज.ब.रा., समाजसेवी, बुद्धीजिवी, पत्रकार, स्थानीय नागरिकके उपस्थिति रहे ।
श्रीलंका मुक्तकमैया बस्तीके अतिबिपन्न तथा गरिब १५० घर परिवारके सदस्यहे खाद्यान्न तथा लत्ता कपडा बितरण करल रहे ।
