बिसिएल सिजन २ के ट्रफी सार्वजनिक
पहुरा समाचारदाता
सुखड, २४ माघ । डुसरा संस्करणके बालबाटिका क्रिकेट लिग सिजन २ (बिसिएल) के ट्रफी सार्वजनिक करल बा ।
कैलालीके बर्दगोरिया गाउँपालिकामे रहल नव बालबाटिका विद्या मन्दिरसे नव बालबाटिका विद्या मन्दिरसे १६ टीमके विद्यालयके प्रतिनिधिहुक्रनके उपस्थितिमे ट्रफी सार्वजनिक करल हो ।
डुसरा संस्करणके बालबाटिका क्रिकेट लिग (बिसिएल)मे नव बाल बाटिका बौनिया, पाईनस लम्की, सन्त निरन्कारी टिकापुर, भुवनेश्वरी टीकापुर, लिटिल फलावर धनगढी, युनाईटेट एकेडेमी टीकापुर, लिटिल बुद्ध कञ्चनपुर, आरएमई टीकापुर, वस्टेन कञ्चनपुर, गुरुकुल एकेडेमी मोतीपुर, महोन्यल मा.बि बास्कोटी, सारदा सरस्वती कञ्चनपुर, कालिका नेस्नल ओ सर्वोदय विद्या मन्दिर गुलरा सहभागिता रहना बा ।
प्रथम पुरस्कार प्रायोजन सुन बस्ती विकास कम्पनी प्रालि काठमाडौँ, डुसरा पुरुस्कार प्रायोजक प्रज्ञा इट्टा उद्योग जोशीपुर सिमरी, विशेष सहयोगी हिरा कलेक्सन बौनिया, वसन्त कोल्ड बौनिया ओ प्रवर्द्धक बर्दगोरिया गाउँपालिकाके कार्यालय मुडा कैलाली रहल बा । पहिल संस्करणके लिग सफलता पूर्वक सम्पन्न हुइलपाछे विद्यालयसे डुसरा संस्करणके लिग सञ्चालन करे लागल हो ।
‘व्यक्तित्व विकास, पारस्परिक सहयोग एवं स्वास्थ्यका लाग खेल’ कना मूल नाराके साथ फागुन १ गतेसे १४ गतेसम क्रिकेट प्रतियोगिता हुइना बटाइल बा ।
विद्यालय स्तरसे सबल, सक्षम, सृजनशील ओ अनुशासित क्रिकेट खेलाडीहुक्रे उत्पादन कैना तथा बौनियाहे फेन क्रिकेट सहरके रूपमे चिनैना उद्देश्यसे क्रिकेट लिग आयोजना करल मूल आयोजक समितिके संयोजक एवं नव बालबाटिका विद्या मन्दिरके संस्थापक प्रिन्सिपल प्रमोद मल्ल बटैलै ।
प्रतियोगितामे प्रथम हुउइया टीम १ लाख १५ हजार ११ सय १ रुपैयाँ ओ द्धितिय हुउइया ५७ हजार ५ सय ५५ रुपैयाँ पुरस्कार प्राप्त कैना बाटै । प्रतियोगिता लिक कम नकाउट प्रणालीके आधारमे मुडा बजारके खेल मैदानमे खेलाजैना आयोजक जनैले बा ।
