काँग्रेस शुभेच्छुक संघसंस्थासे मौन जुलुस
पहुरा समाचारदाता
धनगढी, २४ माघ । प्रमुख प्रतिपक्षी दल नेपाली काँग्रेसके भातृ संगठन प्रतिनिधिसभा विघटनके विरोधमे कञ्चनपुरके महेन्द्रनगरमे मौन जुलुश प्रदर्शन करले बटै ।
मौन जुलुसमे सहभागी नेपाली काँग्रेसके शुभेच्छुक संघसंस्थाके प्रतिनिधिहुक्रे करिया मास्क ओ करिया पट्टि बाँधके सरकारके असंवैधानिक कदमके विरोध जनाइल हुइट ।
कांग्रेस भातृ संगठन नेपाल ट्रेड युनियन, नेपाल शिक्षक संघ, नेपाल डेमोक्राटिक लयर्स एशोसियसन, नेपाल निजामती कर्मचारी युनियन, प्रजातान्त्रिक प्राध्यापक संघ नेपाल, प्रजातन्त्रिक चिकित्सक संघ, त्रिवि प्रजातान्त्रिक कर्मचारी संघ, नेपाल सांस्कृतिक संघ, नेपाल प्रजातान्त्रिक महसंघ, लोकतान्त्रिक गैर–सरकारी संस्था महासंघ लगायतके संगठन संसद विघटनके विरोधमे प्रदर्शनमे उत्रल बटै ।
नेपाली कांग्रेस जिल्ला कार्यसमिति कञ्चनपुरके पार्टी कार्यालयसे सुरु हुइल मौन ¥याली महेन्द्रनगर बजार परिक्रमा करटी मदनचोकमे जाके कोणसभामे परिणत हुइल रहे । विरोध ¥यालीमे कांग्रेसके भातृसंगठन तथा कांग्रेस शुभइच्छुक संघसंस्थाके प्रतिनिधिके बक्लार उपस्थित रहल रहे ।
