मनाउँमे आधारभूत स्वास्थ्य केन्द्रके उद्घाटन

पहुरा समाचारदाता
हसुलिया, २६ माघ । कैलालीके कैलारी गाउँपालिका–१ मनाउँमे सोम्मार आधारभूत स्वास्थ्य केन्द्रके उदघाटन करल बा ।

गाउँपालिकाके अध्यक्ष लाजुराम चौधरी एक कार्यक्रमके बीच स्वास्थ्य केन्द्रके उदघाटन करलै । वडा नम्बर १ के वडा अध्यक्ष बालकृष्ण चौधरीके अध्यक्षतामे हुइल कार्यक्रममे गाउँपालिकाके प्रमुख प्रशासकीय अधिकृत खगेन्द्रराज जोशी, सामाजिक विकास शाखा प्रमुख यगम कलेल, योजना शाखा प्रमुख सन्तोषकुमार चौधरी, वडा सदस्य स्थानीय लगायतके उपस्थिति रहल रहे ।

प्रदेश सरकारके १० लाख रुप्या सहयोगमे स्वास्थ्य केन्द्र भवनके निर्माण हुइल वडा अध्यक्ष बालकृष्ण चौधरी जानकारी डेलै । स्वास्थ्य केन्द्र सोम्मारसे अपन सेवा सुरु करल जनाइल बा ।

ओस्टेक करके, उहे गाउँपालिकाके हसुलियास्थित इलाका प्रहरी कार्यालय हसुलियामे नवदुर्गा कालिका मन्दिरके शिलान्यास करल बा । गाउँपालिकाके अध्यक्ष चौधरी मन्दिरके शिलान्यास करल गाउँपालिकाके कर्मचारी रविन्द्र चौधरी जानकारी डेलै ।