मोर्चासे नगर/गापा स्तरीय समिति गठन

पहुरा समाचारदाता
धनगढी, २७ माघ । थरुहट/थारुवान राष्ट्रिय मोर्चासे मंगरके रोज दुई स्थानीय तहमे नगर/ गाउँपालिका स्तरीय समिति गठन करले बा ।

चुहा सुगर मिलके प्राङगमे बैठल भेलासे थरुहट/थारुवान राष्ट्रिय मोर्चाके लम्कीचुहा नगर स्तरीय शिवचरण चौधरीके संयोजकत्वमे २५ सदस्यीय ओ बर्दगोरिया गाउँपालिका स्तरीय जगराम चौधरीके संयोजकत्वमे ३१ सदस्यीय समिति गठन हुइल बा ।

यिहे फागुन १५ ओ १६ कैलालीके हसुलियामे सम्पन्न हुइना शान्ति सद्भाव न्याय ओ अधिकारके लाग थरुहट/थारुवान विशेष सम्मेलनमे सफल बनाइक लाग तयारी तिब्र पारल मोर्चाके कैलाली जिल्ला संयोजक माधव चौधरी बटैलै ।