प्रेस युनियनमे आबद्ध पत्रकारके दुर्घटना बिमा
डोटी, ३० माघ । नेपाल प्रेस युनियनमे आबद्ध पत्रकारहुक्रनके दुर्घटना तथा जोखिम बिमा करल बा । एशियन लाईफ ईन्स्योरेन्स दिपायलसे एक लाख बराबरके बिमा करल प्रेस युनियन डोटीके अध्यक्ष प्रकाश बम जानकारी डेले बाटै ।
एशियन लाईफ दिपायलके शाखा प्रबन्धक नवराज पण्डीत समाज सेवाके लाग पत्रकार निरन्तर जोखिमके साथ खट्ना हुइल ओरसे शाखासे युनियनके अनुरोध स्वीकार करटी दुर्घटना तथा जोखिम बिमा करल पण्डित बटैलै । उहाँ कहलै, ज्यानके बाजी राखके समाज रूपान्तरणके लाग भूमिका खेलल् सम्मान स्वरूप बिमा करल हो । आगामी दिनमे फेन निरन्तर सहयोग कैटी जैना प्रतिवद्धता व्यक्त करलै ।
शाखासे ५० तथा प्रेस युनियन डोटीसे २० जनहनके बिमा शुल्क ब्यहोरल अध्यक्ष बम बटैलै । डोटीमे ०६५ सालसे शाखा संचालन कैके सेवा डेटी आइल एशियन लाईफ ईन्स्योरेन्स डोटीके पुरान बिमा कम्पनी हो ।
एशियन डोटीसे सक्कु मेरके बिमाके भुक्तानी कैना करठ् । जीवन बिमा कोष २३ अर्ब रहल एशियन लाईफ नेपालके अग्रणी कम्पनी रहल प्रबन्धक पण्डित जानकारी डेलै । एशियन लाईफके देशभर १४० शाखा कार्यालय रहल बा ।
इही नेपाली कांग्रेसके केन्द्रीय सदस्य बीर बहादुर बलायरके सहयोगमे लुम्बिनी ईन्स्योरेन्समे युनियन आवद्व ९२ पत्रकारहुक्रने कोराना बिमा करल रहे ।
