पर्यटन प्रवर्द्धनके लाग अनुभव साटासाट
घनश्याम पौडेल
पाल्पा, ३० माघ । पर्यटन प्रवद्र्धनके लाग अन्तर प्रादेशिक समन्वयात्मक भ्रमणमे रहल सुदूरपश्चिम प्रदेशके पर्यटन व्यवसायीहे पाल्पाके पर्यटन व्यवसायी स्वागत करले बाटै ।
तानसेनमे स्वागत तथा अन्तरक्रिया करल बा । ‘देव भूमि सुन्दर ठाउँ, सुदूरपश्चिम घुमे जाइ,’ कना मुल नारासहित अन्तर प्रादेशिक समन्वयात्मक भ्रमण कार्यक्रमके टोली पाँचौं दिनमे पाल्पा पुगल हो ।
भ्रमण टोलीहे स्वागत कैटी पाल्पा नाटाके महासचिव सागर महर्जन पर्यटकीय क्षेत्र तथा स्थानीय व्यवसायी करटी रहल कार्य तथा अभ्यास जानकारी करैटी जिल्लाके ऐतिहासिक महत्वके स्थानमे पर्यटन प्रवद्र्धनके अनुभव सुनाइल रहिट । महर्जनसे पर्यटन प्रवद्र्धन कैना सुदूरपश्चिमके इ भ्रमणसे पाल्पाके व्यवसायीहे मार्गदर्शन डेहल ओ लुम्बिनी प्रदेश फेन अनुसरण कैना विश्वास व्यक्त करलै ।
सुदूरपश्चिम पर्यटन व्यवसायीहरुके भ्रमण टोलीसे लेहल उद्देश्य ओ पर्यटकहे देशके सक्कु क्षेत्रमे पुगाइक लाग व्यवसायी तथा प्रदेश सरकार बीच समन्वयके आवश्यकता महसुस कैके अन्तर प्रादेशिक भ्रमणमे रहल टोली पाल्पा आइल नेपाल पर्यटन बोर्ड सुदूरपश्चिम प्रदेशके म्यानेजर रोहिणी खनाल बटैलै ।
कोभिड–१९ के कारणसे बाह्य पर्यटक न्यून रहल अवस्थामे आन्तरिक पर्यटनके माध्यमसे पर्यटन व्यवसाय ओ अर्थतन्त्रहे उकास्ना आवश्यक रहल बटाइल बा । यकर लाग अन्य प्रदेशके पर्यटन व्यवसायीहुक्रनसे समन्वय तथा अन्तरक्रिया कैके अनुभव साटासाट करक लाग भ्रमणमे निक्रल प्रदेश पर्यटन विकास कार्यक्रम कार्यान्वयन इकाई सुदूरपश्चिम प्रदेशके इकाई प्रमुख भोजराज पाठक बटैलै ।
भ्रमण टोली भैरहवाके पर्यटन व्यवसायी, होटल व्यवसायी तथा सरोकारवाला निकायका प्रतिनिधिसँग फेन छलफल कैना जनाइल बा ।
