भ्यालेन्टाइन–डे के अवसरमे ‘कागज…’ (भिडियोसहित)

पहुरा समाचारदाता
धनगढी, २ फागुन । एकपाछे औरे सुपरहिट थारु म्युजिक भिडियो निर्माण कैटी आइल सिएस फिल्मस् प्रालि भ्यालेन्टाइन–डे के अवसरमे ‘कागज…’ कना रोमान्टिक थारु म्युजिक भिडियो दर्शक माझ लन्ले बा ।

नेपालके पर्यटकीय क्षेत्र रारा ताल लगायत ठाउँमे छायांकन करल भिडियोमे राजकुमार चौधरी ओ चाँदनी मल्लहे फिचरि· करल बा । प्रालिसे भ्यालेन्टाइन डे के अवसर पारके भिडियो लानलपाछे अब्बे राज ओ चाँदनी दर्शकहुक्रनसे माया पैटी रहल बाटै ।

बसन्त महतोके शब्द रहल गीतमे संगीत रामकुमार कठरियाके रहल बा । गीतमे बसन्त महतो ओ समीक्षा चौधरी स्वर डेले बाटै । भिडियोके डाइरेक्सन मासुम विष्ट ओ छायांकन ओ सम्पादन सतिश सिन्हाके रहल बा ।