व्यवस्थापन ओ नीतिगत उपलब्धी
पहुरा समाचारदाता
धनगढी, ५ फागुन । भूमि व्यवस्था कृषि तथा सहकारी मन्त्रालय स्थापना हुइल यहोर अब्बेसम टमान व्यवस्थापन तथा नीतिगत उपलब्धी हासिल करल जनाइल बा ।
मन्त्रालय गठन हुइल तीन बरस पुरा हुइल पूर्वसन्ध्यामे मंगरके रोज पत्रकार सम्मेलन मार्फत मन्त्रालयके सचिव डा. किसन लाल भट्ट उ उप्लब्धी हासिल करल बटाइल हुइट । मन्त्रालयसे अब्बेसम १८ ठो कार्यविधी निर्माण, ३ कार्यविधी संसोधन, २ ठो ऐन निमाए करले बा कलेसे ३ ठो ऐन निर्माण प्रक्रियामे रहल सविच भट्ट जानकारी डेलै । ओस्टके ३ ठो नीति निर्माण, १ नियमावली ओ ३ ठो गुरु योजना बनाके काम आघे बह्राइल जनाइल बा ।
ओस्टके कार्यक्रममे ९ जिल्लामे कृषि ज्ञान केन्द्र ओ भेटेरिनरी अस्पताल तथा पशु विज्ञ केन्द्रसे सेवा प्रदानके लाग ४ ठो भेटरिनरी अस्पताल तथा पशु विज्ञ केन्द्र ओ ३ ठो कृषि ज्ञान केन्द्र ओ रजिष्टार अधिकारीके कार्यलय धनगढी कैलालीमो स्थापना हुइल जनाइल बा ।
कार्यक्रममे मन्त्रालयके प्रवक्ता हेमराज अवस्थी कृषि तथा पशुपालन क्षेत्रके लाग सहुलियतमे रसायनिक मल, कृषि व्यवसाय प्रर्वद्धनके लाग ऋणमे व्याज अनुदान, बाली तथा पशुधन संरक्षणके लाग दुइ करोडके बिमा कोष स्थापना, कृषि अनुसन्धान, प्रसार ओ शिक्षा कार्यक्रमके लाग कृषि कार्यक्रम सुरु करल जानकारी डेलै ।
ओस्टके प्रवक्ता अवस्थी मन्त्रलालयसे मुख्यमन्त्री एकीकृत बस्ती विकास कार्यक्रम अन्र्तगत गरिव तथा विपन्न वर्गको पहिचान गरि बस्ती व्यवस्थापन कार्यक्रम ओर बेदकोट नगरपालिका कञ्चनपुर, दिपायल डोटी ओ भुरुवा राजी बस्ती भजनी नगररपालिकामे निर्माण कार्य आघे बह्राइल, भूमिहिन, मुक्त हलिया, मुक्त कमैया, सुकुम्बासी सम्बन्धी नीति निर्माण, भू उपयोग नीति निर्माण प्रक्रियामे भूमि नक्सांकन सम्बन्धी एमआइएस निर्माण, भूमि बैंक, चक्लाबन्दी मापदण्ड निर्माणके काम आघे बह्राइल जनैलै ।
कार्यक्रममे मन्त्रालयके टमान विभावके कर्मचारीहुक्रनके समेत उपस्थिति रहल रहे ।
