भागरथी हत्या प्रकरणः १ जाने पक्राउ, आज सार्वजनिक कैटी

पहुरा समाचारदाता
धनगढी, ५ बैतडी । बलात्कारपाछे हत्या करल बैतडीके दोगडाकेदार गाउँपालिका–७ चडेपानीके १७ वर्षीया भागरथी भट्टके बलात्कार ओ हत्यामे संलग्न युवकहे प्रहरी पक्राउ कैके बुधके रोज सार्वजनिक करले बा ।

पक्राउ परुइयामे चडेपानीके १६ वर्षीय दिनेश भट्ट रहल बाटै । उहाँ नातासे भागरथीके भैया हुइट । प्रहरी आज दिनके दुई बजे पत्रकार सम्मेलन मार्फत हत्यामे संलग्न भट्टहे सार्वजनिक कैना हुइल बा ।

गत माघ २१ गते बुधके विद्यालय गैल भागरथीके डोसर सकारे साँझ बीभत्स अवस्थामे शव फेला परल रहे । शव फेला परल १३ दिन पाछे प्रहरी हत्यारा पक्राउ करल हो ।

सुदूरपश्चिम प्रदेश प्रहरी कार्यालयके प्रमुख डिआइजी उत्तमराज सुबेदी पक्राउ परल युवक बलात्कार ओ हत्या करल स्वीकार करल बटैलै ।