कैलालीमे पूर्व–पश्चिम राजमार्ग अवरुद्ध कैटी प्रदर्शन
पहुरा समाचारदाता
धनगढी, ६ फागुन । कैलालीके बौनियास्थित पूर्व–पश्चिम राजमार्ग अवरुद्ध कैटी प्रदर्शन करल बा ।
बुधके कैलालीके लम्कीचुहा नगरपालिका–१० चुहामे ट्रकसे मोटरसाइकलहे ठक्कर डेहेबर मृत्यु हुइल व्यक्तिके परिवारजन तथा आफन्त बिफेक सकारे ९ बजेसे राजमार्ग अवरुद्ध पारल हुइट ।
राजमार्ग अवरुद्ध होके आवागमन प्रभावित हुइल ईलाका प्रहरी कार्यालय लम्कीके प्रहरी निरीक्षक भरतबहादुर शाह जानकारी डेलै । उचित क्षतिपुर्ति ओ न्यायके माग कैटी राजमार्ग अबरुद्ध पारल बटाइल बा ।
ना ५ख८४०६ नम्बरके ट्रकसे लु ७८ प ३९०५ के नम्बरके मोटरसाइकलहे ठक्कर डेहेबर मोटरसाइकल चालक उहे नगरपालिकाके वडा नम्बर ४ बलियाके २४ वर्षीय दिनेश चौधरीके मृत्यु हुइल रहे ।
दुर्घटनामे परके मोटरसाइकलमे सवार जानकी गाउँपालिकाके १८ वर्षीया चन्द्रा चौधरी घाहिल हुइल रहिट । ओहकान उपचारके लाग कोहलपुर लैजैना क्रममे मृत्यु हुइल रहे ।
