कैलारी स्मार्ट समन्वय युवा क्लबसे रक्तदान

पहुरा समाचारदाता
हसुलिया, ६ फागुन । कैलालीके कैलारी गाउँपालिका–३ स्थित उत्तर भडरीमे जारी टिसरा अध्यक्ष कप रनि· खेलकुद प्रतियोगिता अन्तर्गत बिफेक रोज भलिबल प्रतियोगिताके संगे वृहत रक्तदानके कार्यक्रम फेन सम्पन्न हुइल बा । रक्तदान कार्यक्रममे जनप्रतिनिधि, कर्मचारी, युवा लगायत ४१ जाने रक्तदान करल रहिट ।

उहे बिच बिफेक रोज ३ ठो भलिबलके खेल सम्पन्न हुइल बा । पहिल खेलमे वडा नम्बर २ ओ वडा नम्बर ८ बिच हुइलमे वडा नम्बर २ विजयी हुइल रहे । वडा नम्बर २ से लगातार दुई सेट लेटी विजयी हुइल हो ।

डुसरामे वडा नम्बर २ भर्सेज वडा नम्बर ७ बिच हुइल खेलमे वडा नम्बर ७ विजयी हुइल बा । उ खेलमे पहिल, टिसरा ओ चौठा सेट वडा नम्बर ७ लेहल रहे कलेसे डुसरा सेट किल वडा नम्बर २ लेहल रहे । वडा नम्बर ७ विजयी हुइलसंगे फाइनल प्रवेश करले बा ।

इहे बिच गाउँपालिका भर्सेज वडा नम्बर ९ बिच हुइल टिसरा खेलमे वडा नम्बर ९ विजयी हुइटी फाइनल प्रवेश करले बा । इ संगे वडा नम्बर ७ ओ वडा नम्बर ९ बिच उपाधिके लाग आज फाइनल खेल हुइना प्रतियोगिताके मिडिया संयोजक मिशन चौधरी जानकारी डेलै ।