तीर्थप्रसादके जीवन यात्रा लोकार्पण
पहुरा समाचारदाता
धनगढी, ६ फागुन । सुदूरपश्चिम प्रदेश सभाके सभामुख अर्जुनबहादुर थापासे लिखित तीर्थप्रसादके जीवन यात्रा पुस्तकके बिफेक रोज एक कार्यक्रमके बिच लोकार्पण करल बा ।
सुदूपश्चिम प्रदेश प्रमुख शर्मिला त्रिपाठी ओ मुख्य मन्त्री त्रिलोचन भट्ट संयुक्त रुपमे उ पुस्तकहे लोकार्पण करले रहिट ।
बझाङके खप्तड छान्ना गाउँपालिकामे जन्मल थापा आपन व्यक्तिगत जीवन यात्राहे पुस्तकमे समावेस करले बाटै । कार्यक्रममे सुदूरपश्चिम प्रदेशके मुख्य मन्त्री त्रिलोचन भट्ट सभामुख थापासे लिखल पुस्तक अन्य व्यक्तिके लाग प्रेरणा दायी बन्ना बटैलै ।
कार्यक्रममे साहित्यकार रामलाल जोशी, सुदूरपश्चिमाञ्चल एकेडेमीके प्राध्यापक वेदप्रसाद जोशीलगायत पुस्तकके बारेम आपन मन्तव्य करले रहिट ।
कार्यक्रममे सभामुख थापा अपने २०७१ सालसे उ पुस्तक लिख्ना सुरु करल बटैलै । उहाँ अपने फुर्सदमे रहल समयमे आपन जीवनके भोगाईहे स्मरण करक लाग पुस्तक लिखल बटैलै ।
