लैङ्गिक समानता तथा सामाजिक समावेशीकरण नीतिबारे छलफल

पहुरा समाचारदाता
धनगढी, ६ फागुन । धनगढी उपमहानगरपालिकासे नन्ना तयारीमे रहल लैङ्गिक समानता तथा सामाजिक समावेशीकरण नीति उप्पर बिफेक रोज छलफल हुइल बा । धनगढी उपमहानगरपालिकामे रहल नागरिक समाजके संघसंस्था ओ सरोकारवालबिच लैङ्गिक समानता तथा सामाजिक समावेशीकरण नीतिके मस्यौदा उप्पर वृहत छलफल हुइल हो ।

धनगढी उपमहानगरपालिकाके प्रमुख नृपबहादुर वड अब्बेफे नन्ना नीतिसे दुरगामी असर पर्ना हुइल ओरसे वृहत छलफल करल बटैलै । सरोकारवालसंग समुह छलफल तथा अन्तरक्रियाके माध्यमसे सुझाव लेना काम हुइल बा धनगढी उपमहानगरपालिकाके उपप्रमुख तथा गैसस समन्वय समितिके संयोजक सुशीला मिश्र भट्ट कहली, ‘यी नीतिहे मजा बनाइक लाग सुझाव लेना काम हुइल हो ।’

उपप्रमुख भट्ट सहभागीसे महत्वपूर्ण सुझाव प्राप्त हुइल बटैली । छलफल ओ सहभागितासे नन्ना नीति प्रति सक्कुहुनके अपनत्व रहठ उपप्रमुख भट्ट कहली उपमहानगरपालिकासे सक्कु पक्षके सुझाव लेके यैसिन नीति नन्ना करल बा ।’

लैङ्गिक समानता तथा सामाजिक समावेशीकरण नीति, कार्यनीति, रणनीति ओ क्रियाकलापमे मजा छलफल हुइल उपमहानगरपालिकाके कानुन अधिकृत खडक कुन्जेडा बटैलै । कार्यक्रम धनगढी उपमहानगरपालिका ओ एकाउन्टविलिटी ल्यावके आयोजनामे हुइल हो ।