बलात्कार आरोप लागल युवकहे कारागार चलान

पहुरा समाचारदाता
धनगढी, ७ फागुन । धनगढी उपमहानगरपालिकाके ४ वर्षिया बालिकाउपर बलात्कार करल आरोपमे पक्राउ परल युवक कारागार चलान हुइल बाटै ।

धनगढी उपमहानगरपालिका वडा नम्बर ९ घुईयाघाटके ४ वर्षिया बालिकाहे बलात्कार करल आरोपमे गैल पुसमे पक्राउ परल भारतके उत्तरप्रदेशके १९ वर्षिय रविकुमार कोरी कारागार चलान हुइल प्रहरी जनैले बा ।

जिल्ला प्रहरी कार्यालयके प्रवक्ता प्रहरी नायब उपरीक्षक प्रतीक बिष्ट बालिकाहे बलात्कार करल आरोपमे पक्राउ परल कोरीहे जिल्ला अदालतमे हुइल थुनछेक बहसपाछे आदेश अनुसार कारागार चलान करल बटैलै । उ युवकहे गैल पुसमे पीडित पक्षसे डेहल जाहेरीके आधारमे प्रहरीले पक्राउ करल रहे ।