घोडाघोडीमे महिलाके शव फेला

पहुरा समाचारदाता
सुखड, ७ फागुन । कैलालीके घोडाघोडीमे एक महिलाके शव फेला परल बा । घोडाघोडी–४, रामजानकी सामुदायिक वन भित्तर ओहे ठाउँके ७२ वर्षिय परदेशिनि चौधरीके खप्पर ओ गार अलग रहल अवस्थामे शव मिलल इलाका प्रहरी कार्यालय सुखडके प्रमुख प्रहरी नायव उपरीक्षक सागर बोहरा बटैलैं ।

शव सँगे लेहेंगा, तिलहरी ओ पच्चिस सय रुपैयाँ फेन मिलल बा । प्रहरीके अन्सार सरल अवस्थामे मिलल शव जंगली जनवारसे खाइल जस्टे समेत डेखाइल बा । चौधरी गैल माघ २६ गते घरसे बेपत्ता हुइल रही । घटनाके थप अनुसन्धान हुइटी बा ।