यौन दुर्व्यवहार करल अरोपमे शिक्षक पक्राउ
पहुरा |
७ फाल्गुन २०७७, शुक्रबार
कञ्चनपुर, ७ फागुन । कञ्चनपुरमे बालिकाउपर यौन दुर्व्यवहार करल आरोपमे शिक्षक पक्राउ परल बाटै ।
जिल्लाके बेलौरी नगरपालिका–६, विद्यानगरमे रहल महाकाली माध्यमिक विद्यालयके शिक्षक ५३ वर्षिय मधुविलास ढुंगानाहे बालिकाउपर यौन दुर्व्यवहार करल आरोपमे पक्राउ करल प्रहरी जनैले बा ।
जिल्ला प्रहरी कार्यालय कञ्चनपुरके प्रवक्ता प्रहरी नायब उपरीक्षक अमरबहादुर थापा महाकाली माध्यमिक विद्यालयमे ६ कक्षामे अध्ययनरत १४ वर्षिया बालिकाहे ढुंगानाहे विद्यालयमे यौन दुर्व्यवहार करल आरोपके आधारमे पक्राउ करल बटैलै ।
ओहकान ढुंगना फागुन ५ गते बुधके सकारे ११ बजेओर विद्यालयमे बालिकाउपर यौन दुर्व्यवहार करल आरोप लागल बा ।
ढुंगानाहे अनुसन्धानके लाग प्रहरी हिरासतमे रख्ले बा । पीडित बालिकाके अभिभावक उहाँ विरुद्ध किटानी जाहेरी डेहलपाछे थप कारवाहीके प्रक्रिया आघे बह्रना प्रहरी जनैले बा ।
