दिनेशखबर चौठा बरसमे प्रवेश
पहुरा समाचारदाता
धनगढी, १४ फागुन । धनगढीस्थित दिनेश सञ्चार गृहसे सञ्चालन करल दिनेशखबर डटकम शुकरोज चौठा बरसके प्रवेश कले बा ।
यि अवसरमे दिनेशखबर एक औपचारिक समारोहकाबीच तेसर वार्षिकोत्सव मनैले बा । वरिष्ठ पत्रकार कनकमणि दीक्षित उद्घाटन करल कार्यक्रममे सहभागी टमान क्षेत्रके व्यक्तिहुक्रे शुभकामना व्यक्त करले रहैं ।
कार्यक्रममे नेपाली काँग्रेस सुदूरपश्चिमके संसदीय दलके नेता डा. रणबहादुर रावल, नेकपा सुदूरपश्चिमके प्रमुख सचेतक तारालामा तामाङ, नेकपा कैलालीके अध्यक्ष समेत रहल प्रदेशसभा सदस्य रतन थापा शुभकामना व्यक्त करलैं ।
अस्टेक, शिक्षाविद् प्राध्यापक हेमराज पन्त, कैलालीके प्रमुख जिल्ला अधिकारी यज्ञराज बोहरा, नेपाल पत्रकार महासंघ सुदूरपश्चिमके महासचिव योगेश रावल, विवेकशिल साझा पार्टीके सुदूरपश्चिमके सहसंयोजक दिनेशराज भण्डारी, नेपाली काँग्रेस कैलालीके अध्यक्ष नरनारायण शाह, राष्ट्रिय जनमोर्चा कैलालीके अध्यक्ष लछिराम आचार्य, जनता समाजवादी पार्टी कैलालीके अध्यक्ष गयाप्रसाद कुश्मी, नेपाल पत्रकार महासंघ कैलालीके अध्यक्ष जगत साउँद, कैलाली उद्योग वाणिज्य संघके सचिव सिद्धराज पनेरु लगायत व्यक्तिहुक्रे फेन शुभकामना मन्तव्य व्यक्त करले रहैं ।
कार्यक्रममे दिनेश सञ्चारक गृहके प्रबन्ध निर्देशक गोपाल हमाल दिनेशखबर डटकमके तीन वर्षे यात्रासम सहयोग करुइया स्रोता, दर्शक, पाठक तथा विज्ञापनदाता लगायतके सब पक्षहे धन्यवाद ज्ञापन व्यक्त रहले रहैं । उ अवसरमे दिनेशखबर डटकमहे सहयोग करुइया टकान व्यक्तिहे सम्मान करल रहे ।
