वडा कार्यालयके भवन शिलान्यास

पहुरा समाचारदाता
धनगढी, १५ फागुन । धनगढी उपमहानगरपालिका वडा नम्बर ७ के वडा कार्यालय भवनके शनिच्चरके रोज शिलान्यास हुइल बा ।

धनगढी उपमहानगरपालिकाका प्रमुख नृपबहादुर वड ओ उपप्रमुख सुशीला मिश्र भट्ट भवनके शिलान्यास करली ।

निर्माण हुइटीरहल वडा कार्यालय भवन एक वर्ष भित्तर निर्माण सम्पन्न हुइना मेरिक ठेक्का सम्झौता करल बा ।

नगरप्रमुख नृपबहादुर वड १९ ठो वडा कार्यालयमध्ये अधिकांस वडाके भवन निर्माण सम्पन्न हुसेकल बटैलैं । बाँकी वडाके वडा कार्यालय भवन फेन निर्माण कार्य अपन कार्यकाल भित्रे सम्पन्न करना नगरप्रमुख वड बटैलैं । ‘वडा कार्यालय व्यवस्थित नैहुइटसम वडा तहके कार्य सम्पादन व्यवस्थित नैहुइ, नगरप्रमुख वड कलैं, ‘टबेमारे पूर्वाधार निर्माण प्राथमिकतामे परले बाटी ।’
धनगढी उपमहानगरपालिकाके उपप्रमुख सुशीला मिश्र भट्ट वडा कार्यालय निर्माणहे उपमहानगरपालिका प्राथमिकतामे ढरल बटैली ।

धनगढी उपमहानगरपालिका वडा नम्बर ७ के वडाध्यक्ष सीताराम राना वडा कार्यालयके निर्माण कार्य कैसिन हुइटा ओकर निगरानी करना स्थानीयसंग अनुरोध करलैं । उहाँ कलैं, ‘यी वडाबासीके सम्पती हो निर्माण कार्य मजासे सम्पन्न हुइकपरठ ।’