सृजना बस्तीके १४ औं स्थापना दिवस
पहुरा समाचारदाता
पहलमानपुर, १६ फागुन । मुक्तकमैया समाज सृजना बस्ती घोडाघोडी नगरपालिका १० अमखोहिया १४ औ स्थापना दिवस समारोह शनिच्चरके रोज हुइल बा ।
घोडाघोडी नगरपालिकाके नगर प्रमुख ममता प्रसाद चौधरीके वडका पहुनामे हुइल कार्यक्रममे उहाँ नाउँमे जग्गा नइरहल घरपरिवारहे हाली जग्गा डेना बटैलै । उहाँ कहलै, मुक्तकमैया वस्तीके समस्या समाधानके करेक लाग वन कार्यालयसे छलफल हुइटी बा ।’
सृजना बस्तीके रामऔतर चौधरी वडास्तरसे विजुली बत्ती, पुलपुलेशाके लाग न्यून बजेट विनियोजन करल बटैलै । बस्तीके स्थानीय राजकुमारी चौधरी शिविरमे चारकिल्ला प्रमाणित नइहुइल कारण समस्या रहल बटैली । घोडाघोडी नगरपालिका १० के अध्यक्ष भीम बम अपन वडासे ठोर ठोर विकासके लाग बजेट वाडफाँड करल बटैलै ।
मुक्तकमैया समाज सृजना बस्ती घोडाघोडी नगरपालिका १० अमखोहियाके अध्यक्ष मायाराम चौधरीके अध्यक्षतामे हुइल कार्यक्रममे स्वागत मन्तव्य बस्तीके सदस्य रघुनाथ चौधरी ओ संचालन पत्रकार गगन कठायत करले रहिट ।
