प्रचण्डके अभिव्यक्ति विरुद्ध प्रदर्शन
पहुरा समाचारदाता
सुखड, १८ फागुन । नेपाल कम्युनिस्ट पार्टी नेकपाके अध्यक्ष पुष्प कमल दाहाल प्रचण्डसे डेहल अभिव्यक्ति विरुद्ध कैलालीमे विद्यार्थी आन्दोलित हुइल बाटै ।
एक टेलिभिजन अन्तरवार्तामे अध्यक्ष दाहाल काँग्रेस मधेसी ओ अपनेहुक्रे मिलके सरकार बनाइबर भारतहे सहज हुइना आशय व्यक्त करल रहिट । राष्ट्रिय स्वाधिनता विरुद्ध बोलल् कहटी बिद्यार्थीहुक्रे कैलालीके घोडाघोडीमे प्रदर्शन करल रहिट ।
नेपाल कम्युनिस्ट पार्टी नेकपा ओली समूहके अखिल नेपाल स्वतन्त्र बिद्यार्थी युनियन अनेरास्ववियू ओ राष्ट्रिय युवा संघ कैलालीसे विरोध प्रदर्शन करल हुइट । यहाँहुक्रे हमार देश हमार स्वाभिमान, प्राणसे प्यारो बा, भारतीय कम्फर्टटेवल सरकार नैचाही, हमार लिपुलेक हम्रहीनहे, आपन प्रचण्ड लैजा, जनता पक्षमे बालुवाटार भारतके पक्षमे खुमलटार लगायत नारा लिखल प्ले कार्ड समेत प्रर्दशन करल रहिट ।
