गाउँपालिकास्तरीय मानव अधिकार रक्षक संजाल गठन
पहुरा समाचारदाता
हसुलिया, २१ फागुन । कैलारी गाउँपालिकामे सन्तराम चौधरीके संयोजकत्वमे ११ सदस्यीय गाउँपालिकास्तरीय मानव अधिकार रक्षक संजाल गठन कैगिल बा ।
डिसिएके आर्थिक सहयोगमे इन्सेक सुदूरपश्चिम प्रदेश कार्यालय धनगढीके आयोजनामे विफेक रोज हसुलियामे हुइल सवलीकरण कार्यक्रममे उ संजाल गठन कैगिल हो ।
संजालके उपाध्यक्षमे गीता चौधरी, सचिवमे ज्ञानु चौधरी, कोषाध्यक्षमे लक्ष्मी भुल, सहसचिवमे भीमबहादुर तिरुवा, सदस्यमे केदारनाथ चौधरी, मनोजकुमार चौधरी, मानबहादुर चौधरी, गीतादेवी चौधरी ओ विफनी चौधरी रहल बटै ।
मानव अधिकार रक्षक संजाल गठन तथा सवलीकरण कार्यक्रममे इन्सेक सुदूरपश्चिम प्रदेश कार्यालय धनगढीके कार्यक्रम अधिकृत परिस्कृत पौडेल ओ डिसिएके परियोजना संयोजक सरिता पुरी सहजीकरण करले रहिट ।
कार्यक्रममे इन्सेकके लेखाअधिकृत राजकुमार चौधरी, टमान समुहके प्रतिनिधि, यूवा क्लवके प्रतिनिधिहुकनके सहभागिता रहे ।
