सेतीमे मेरुदण्डके शल्यक्रिया सेवा सुरु
पहुरा समाचारदाता
धनगढी, २१ फागुन । सेती प्रादेशिक अस्पतालसे मेरुदण्डके शल्यक्रिया सेवा फेन सुरु करले बा ।
धनगढीके कैलाली अस्पतालमे कार्यरत हाडजोर्नी तथा मेरुदण्ड रोग विशेषज्ञ डा. ज्ञानेन्द्र जोशीहे करार सेवामे नियुक्त कैटी अस्पतालसे मेरुदण्डके शल्यक्रिया सेवा फेन सुरु करल जनाइल बा ।
अस्पतालके सूचना अधिकारी दिलिपकुमार श्रेष्ठ इहीसे आघे हाडजोर्नीसंगे मेरुदण्डके शल्यक्रिया सेवा फेन दुई अँठ्वार पहिलेसे सुरु करल जानकारी डेलै । ओहकान अनुसार विशेषज्ञ डाक्टर जोशीके नेतृत्वमे शुकके कञ्चनपुरके ४५ वर्षीया विष्नादेवी साउदके रुख्वासे गिरके टुटल घाँटीके हडडीके सफल शल्यक्रिया करल बा ।
डा. जोशीसे नेंगे नैसेक्ना अवस्थामे नैरहल साउदके शल्यक्रियापाछे सामान्य अवस्थामे फर्कल बटैलै ।
उहाँसे सेवा सुरु करलपाछे सेती प्रादेशिक अस्पतालसे आवश्यक उपकरण थप्ना तयारी समेत करले बा । सूचना अधिकारी श्रेष्ठसे डाक्टरसे माग करल अनुसारके उपकरण थप्ना आवश्यक गृहकार्य हुइटी रहल बटैलै ।
