नेपाली कांग्रेसके संगठन विस्तार
पहुरा समाचारदाता
हसुलिया, २३ फागुन । कैलारी गाउँपालिका वडा नम्बर ४ मे हुइल नेपाली कांग्रेसके कार्यक्रममे टमान पार्टी परित्याग १९५ जाने नेपाली कांग्रेसमे प्रवेश करले बाटै ।
शनिच्चरके नेपाल दलित संघ कैलालीके आयोजनामे संगठन विस्तार तथा समुदाय स्तरमे भेटघाट आ नेपाल दलित विद्यार्थी संघ गठन कार्यक्रममे नेकपा पार्टी लगायत टमान पार्टी परित्याग कैके नेपाली कांग्रेसमे प्रवेश करल हुइट । उहाँहुक्रनहे नेपाली कांग्रेस कैलाली जिल्ला सभापति नरनारायण शाह ‘मनु’ टीका लगाके स्वागत करल रहिट ।
नेपाल दलित संघके चक्रबहादुर नेपालीके अध्यक्षतामे कार्यक्रम हुइल रहे । कार्यक्रममे प्रदेश सभा सदस्य तथा नेपाली कांग्रेसके सचेतक टेक बहादुर रैका, नेपाली कांग्रेस कैलाली जिल्ला उपसभापति प्रकाश बम, धनगढी उपमहानगरपालिकाके नगरप्रमुख नृप बहादुर वड, नेपाली कांग्रेस महासमिति सदस्य नारायण भट्ट, प्रशिक्षण विभाग प्रमुख नृप सुनार, तराई मधेस केन्द्रिय समन्वय विभागके केन्द्रीय सदस्य राजसमझ चौधरी, महासमति सदस्य पुरन चौधरी, नेपाली कांग्रेसके जिल्ला प्रशिक्षक रमेश चौधरी, वडा नम्बर ४ के वडा अध्यक्ष भिखराम चौधरी, दलित संघके जिल्ला अध्यक्ष प्रेम विश्वकर्मा लगायत मनतब्य राखल रहिट ।
कार्यक्रमके सञ्चालन तपेन्द्र भुसाल करल रहिट । इहे बिच सुरेश सिके अध्यक्षतामे १५ सदस्य कैलारी गाउँपालिका स्तरीय दलित विद्यार्थी संघ फेन गठन हुइल बा । ओस्टके संघके उपाध्यक्ष गंगा भुल, सचिव टेकेन्द्र परियार, कोषाध्यक्ष राधिका विक रहल बाटै । ओस्टके सदस्यमे ईन्द्र विक, पार्वती विक, लक्ष्मी कोली, देव तिरुवा, अर्जुन विक, दीपक भूल, राहुल नेपाली, गोमा सिके सुशिला कोली, सुदीप भूल, राज सिके, झरना सुनार रहल बाटै ।
