पूर्वी कुश्मी गोटियार सम्मेलन

बेलौरी, २३ फागुन । कञ्चनपुर जिल्लाके बेलौरी नगरपालिका वडानम्बर ७ सिंगपुरमे पूर्वी कुश्मी सरह्वा गोटियार सम्मेलन हुइल बा । कैलाली कञ्चनपुरमे रहल पूर्वी कुश्मी थर रहल थारुनके गोटियार नवौं सम्मेलन हुइल हो ।

कार्यक्रममे बर्का पहुना रहल वडा नम्बर ७ के वडाध्यक्ष प्रकाश श्रेष्ठ कहलैं– ‘अपन संस्कृति बचाइक लग हरेक समुदाय लागे पर्ना जरुरी बा । ओहेक मारे लावा पुस्ता हे फेन पुरान संस्कृति सिखाइ सेक्लेसे मजा रहि ।’

ओस्टके सिंगपुरके भलमन्सा दिलबहादुर चौधरी सुभकामना डेटी कहलै– ‘सम्मेलन कैके फेन हमार लावा पुस्ता युवा फेन आब संस्कृति बचाइ परथ कना सन्देश डेलै । पूर्वी कुश्मीनके चालचलन, रीतिरिवाज, संस्कृति, भेषभुषा संरक्षण सम्बद्र्धन कैना उद्देश्यसे हरेक बरस कार्यक्रम हुइटी आइल बा ।’

कार्यक्रममे प्रेम पूर्वी कुश्मी, बलिराम पूर्वी कुश्मी, सुमित पूर्वी कुश्मी, लक्ष्मी पूर्वी कुश्मी लगायत अपन अपन मन्तव्य डेले रहिट । कार्यक्रम पूर्व कुश्मी गोटियार परिवारके अध्यक्ष बेचन पूर्वी कुश्मीके घरगोसिया मे हुइल कार्यक्रम सञ्चालन दयाशंकर पूर्वी कुश्मी करले रहिट ।