ज्येष्ठ नागरिकहे कोरोनाविरुद्धके खोप

काठमाडौँ, २३ फागुन । सरकार अँटवारसे ६५ वर्षउप्पर ज्येष्ठ नागरिकहे कोरोना भाइरसविरुद्धके खोप दिन सुरु करले बा । अँटवार काठमाडौंके टमान अस्पतालसे कोरोना भाइरसविरुद्धके खोप दिन सुरु करल हो ।

यी आघे पहिल चरणमे स्वास्थ्यकर्मी, सफाइकर्मी, एम्बुलेन्स तथा शववाहन चालक, पत्रकार, कुटनीतिक नियोगके कर्मचारी, बैंक तथा वित्तीय संस्थाके कर्मचारी ओ निजामती कर्मचारीहे खोप डेहल रहे ।

बीस दिनसम चल्न ज्येष्ठ नागरिक खोप अभियानमे १६ हजारहे खोप प्रदान कैना जनाइल बा । सरकारसे कूल जनसख््याके ७२ प्रतिशतहे खोप उपलब्ध करैना लक्ष्य लेहल बा । पहिल चरणअन्तर्गत १ दशमलव ४ प्रतिशतहे खोप प्रदान करल बा । यी आघे सरकारसे भारत सरकारके अनुदानमे १० लाख केल खोप ओ खरिद करल १० लाख केल खोप नन्ले बा कलेसे १० लाख खोप भारतसे नन्ना प्रक्रियामे बा ।