संघसे आगलागी पीडित उद्योगहे सहयोग कैना प्रतिबद्धता
पहुरा समाचारदाता
धनगढी,२३ फागुन । कैलाली उद्योग वाणिज्य संघसे आगलागी पीडित आलोक मल्टी कन्सर्न प्रालिहे सहयोग कैना प्रतिवद्धता जनैले बा ।
संघके अध्यक्ष पुष्पराज कुवँर अँटवारके रोज पत्रकारके आयोजना करके प्रालिहे एक लाख ११ हजार १ सय ११ रुप्या सहयोग कैना प्रतिवद्धता जनैले रहिट ।
यूवा व्यावसायी भोजराज भट्ट ओ पदम भण्डारीके सयूक्त लगानीमे कैलालीके धनगढी उपमहानगरपालिका–४ चटकपुरस्थित आलोक मल्टी कन्सर्न प्रालिमे शनिच्चरके रोज दिनके १२ बजेओर आगी लागल रहे ।
उद्योगमे लगभग ५ करोडके सामान रहल आलोक मल्टी कन्सर्न प्रालि जनैले बा । उ आगलागी हुइल स्थानसे नेपाल आयल निगमके डिपो करिब १०० मिटरके दुरीमे बा ।
संघसे उद्योगहे फेरसे संचालनके लाग आवश्यक सहयोग करडेना संघीय, प्रदेश ओ स्थानीय सरकार, बैक, विमा कम्पनी, आन्तरिक राजश्व कार्यालय, भन्सार कार्यालय तथा सक्कु सरोकारवाला निकायमे हार्दिक अपिल करले बा ।
