बालबालिकाहे झोला ओ कपी सहयोग

पहुरा समाचारदाता
धनगढी, २५ फागुन । कैलालीके कैलारी गाउँपालिका–७ बसन्तामे रहल समीक्षा बहुद्देश्यीय सहकारी संस्था लिमिटेडके अध्यक्ष उर्मिला चौधरी गरिब, असहाय ओ अपाङ्ता रहल बालबालिकाहे झोला ओ कपी सहयोग करले बाटी ।

अन्तर्राष्ट्रिय श्रमिक महिला दिवसके अवसर पारके उहाँ १० जाने बालबालिकाहे सहयोग करल हुइटी । अध्यक्ष चौधरी सहकारीके बैठक भत्ताबाट प्राप्त रकमसे गरिब, असहाय ओ अपाङ्ता रहल बालबालिकाहे सहयोग करल बटैली ।

१११ औं अन्तर्राष्ट्रिय श्रमिक महिला दिवसके अवसरमे बसन्तामे आयोजित कार्यक्रममे बर्का पहुना कैलारी गाउँपालिकाके अध्यक्ष लाजुराम चौधरी उ बालबालिकाहे झोला ओ कपी हस्तान्तरण करल रहिट ।

बसन्तामे विविध कार्यक्रम कैके अन्तर्राष्ट्रिय श्रमिक महिला दिवस मनाइल बा । कार्यक्रममे वडा नम्बर ७ के वडा अध्यक्ष कमलप्रसाद चौधरी, सहकारीके अध्यक्ष उर्मिला चौधरी, सीमा प्रहरी कार्यालय रामपुरके प्रहरी इचार्ज, गाउँके महिला लगायतके सहभागिता रहल रहे । कार्यक्रमके अवसरमे विविध साँस्कृतिक कार्यक्रमसमेत डेखाइल रहे । ओस्टके, अन्तर्राष्ट्रि श्रमिक महिला दिवसके अवसर पारके कैलारी गाउँपालिकाके कार्यालयसे समीक्षा बहुद्देश्यीय सहकारी संस्था लिमिटेडहे सम्मान करले बा ।