थारु संस्कृति संरक्षण सम्बर्द्धन अन्तरक्रिया

पहुरा समाचारदाता
पहलमानपुर, २५ फागुन । थारु समुदायके संस्कृति संरक्षण सम्बद्र्धन तथा सर्वा·िण विकासके लाग स्थानीय सरकार, समाजसेवी, बुद्धिजिवी ओ सरोकारवाला व्यक्तीहुकनसंग अन्तरक्रिया कार्यक्रम कैलालीके घोडाघोडी नगरपालिकाके सुखडमे हुइल बा ।

घोडाघोडी नगरपालिका स्तरीय भल्मन्सा कार्य समिति घोडाघोडी तथा संस्कृति संरक्षण समाजके आयोजनामे दुई दिने अन्तरक्रिया कार्यक्रम हुइल हो । कार्यक्रम घोडाघोडी नगरपालिकाके नगरप्रमुख ममता प्रसाद चौधरीके वडका पहुनामे हुइल रहे ।

घोडाघोडी नगरपालिका स्तरीय भल्मन्सा कार्य समिति घोडाघोडी तथा संस्कृति संरक्षण समाजके अध्यक्ष बुधराम चौधरीके अध्यक्षतामे हुइल कार्यक्रम समाजसेवी रिता चौधरी भल्मन्साहुकन विकास कार्यमे अनिवार्य उपस्थिती कराई पर्नामे जोड डेहल रहिट । उहाँ भल्मन्साहुकन स्थानीय सरकारसे परिचयपत्रके व्यवस्था करे बटैले रहिट ।

कार्यक्रममे थारु यूवा नेता ठाकुर करिया प्रधान, घोडाघोडी पर्यटन बोर्डके उपाध्यक्ष दयाराम चौधरी, हिरु डगौरा लगायत मन्तव्य करले रहिट । कार्यक्रमके संचालन संस्थाके सहसचिव शंकर डगौरा, स्वागत मन्तव्य लहानुराम चौधरी व्यक्त करले रहिट ।