सरस्वती प्रधानमन्त्री कपमे सर्वोत्कृष्ट खेलाडी घोषित

पहुरा समाचारदाता
धनगढी, २५ फागुन । सातौं संस्करणके प्रधानमन्त्री कप महिला भलिबल प्रतियोगितामे सरस्वती चौधरी सर्वाेत्कृष्ट खेलाडी घोषित हुइल बाटी । नेपालगञ्जमे मंगरके सम्पन्न प्रतियोगितामे एपीएफ क्लबके सरस्वती सर्वाेत्कृष्ट खेलाडी घोषित हुइल हुइट ।

कैलालीके धनगढी घर रहल चौधरी एपीएफ क्लबहे उपाधि डेहुवाइनामे उत्कृष्ट प्रर्दशन करल रही । सर्वाेत्कृष्ट खेलाडी हुइलसंगे सरस्वती २५ हजार प्राप्त करली । ओस्टके, व्यक्तिगत विधाओर उत्कृष्ट स्पाइकर पुलिसके उषा भण्डारी, ब्लकर एपीएफके हिरा के.सी, सेटर पुलिसके कमला पुन, लिब्रो न्यु डाइमण्डके सलिना श्रेष्ठ, सर्भर प्रतिभा माली ओ प्रशिक्षक एपीएफके महेश चौधरी चुनगैलै ।

उत्कृष्ट खेलाडी तथा प्रशिक्षक ५ हजार ओ प्रमाणपत्र प्राप्त करलै ।