नक्कली नोट छप्ना मेसिनसहित १ पक्राउ

कञ्चनपुर, २६ फागुन । कञ्चनपुरके कृष्णपुर नगरपालिका–९ स्थित पिपरीयासे एक जनहनहे प्रहरी पक्राउ करले बा । २५ वर्षिय संजय रानाहे १ हजार दरके २ थान ओ १ सय दरके २ थान नक्कली नोट तथा नक्कली नोट बनैना प्रयोग मेसिन सहित मंगर रात प्रहरी पक्राउ करल हो ।

राना नक्कली नोट छप्ना कार्य कैना करल कना सूचनाके आधारमे जिल्ला प्रहरी कार्यालय कञ्चनपुर ओ ईलाका प्रहरी कार्यालय गुलरियासे खटल प्रहरी रानाके खुद्रा पसल जाँच करेबेर उ नक्कली नोट फेला पारके पक्राउ करल हो ।

साथे उहाँक पसलसे १ थान फलामके कैंची, १ हजार दरके नेपाली नोटके साइज नप्ना फलामके पातासे बनल १ थान साँचा, १ थान गम, १ सय ५० थान फोटोकपी पेपर, १ थान रङिन फोटोकपी मेसिन, १ थान डेस्कटप कम्प्युटर ओ १ हजार रुप्या सक्कली नेपाली नोट १ थान प्रहरी बरामद करले बा । यी सम्बन्धमे स्थानीय प्रहरीसे ठप अनुसन्धान करटी रहल जनाइल बा ।