ओली ओ माधव समूहके कार्यकर्ताबीच झडप

पहुरा समाचारदाता
धनगढी, २६ फागुन । धनगढीस्थित सुदूरपश्चिम प्रदेश पार्टी कार्यालयमे नेकपा एमालेके माधव नेपाल ओ केपी ओली पक्षके कार्यकर्ता बीच झडप हुइल बा ।

उहीसे आघे पार्टी कार्यालयमे रहल प्रदेश इन्चार्जके ‘नेम प्लेट’ से ओली समूहसे भीम रावलके हटाके लेखराज भट्टके ओ अध्यक्षमे भानुभक्तके हटाके कर्ण थापाके नाउँ राखल रहिट । उहीसे माधव समूहके कार्यकर्ता नाराबाजी कैनाके साथे ‘नेम प्लेट’ तोडफोड कैटी डुनु समूहबीच झडपके अवस्था सिर्जना हुइल रहे ।

झडपके क्रममे प्रहरी माधव समूहके एक नेताहे नियन्त्रणमे लेले बा कलेसे पार्टी कार्यालयमे डिएसपी प्रतिक विष्टके नेतृत्वमे प्रहरी परिचालन करल बा ।