‘रुपके रानी मै…’ थारु म्युजिक भिडियो बजारमे (भिडियोसहित)

पहुरा समाचारदाता
धनगढी, २७ फागुन । ‘रुपके रानी मै, मयाके खानी मै…’ थारु म्युजिक भिडियो बजारमे आइल बा ।

युवा गायक राजकुमार चौधरी ओ सोनु कुस्मीके आवाजमे गाइल उ गीत भरखर बजारमे आइल हो । इ गीतके लेखकफें गायक राजकुमार चौधरी जो हुइँट कलेसे अपनहीं बरा मैगर ढुन फेन भरले बटैैं उहाँ ।

मैयाँ पिरिमके विषयमे बनल इ गीतमे युकेश राजभार, शिशिर चौधरी ओ सदिक्षा चौधरी अपन डम्डार ठुम्का हिलाके दर्शक ओइनके मन जिट्टी बटैं । एरेन्ज भर बिमल चौधरी करले बटैं ।

थारु समाज युट्युब च्यानलसे दर्शक ओइने हेरटी बटैं । इ गीत युवा गायक राजकुमार चौधरीके पँचुवा गीत हुइन । ओस्टेके अझकल बजारमे लावा लावा गीत फेन टमान अइटी बिल्गाइठ ।