कारके ठक्करसे एकके मृत्यु

पहुरा समाचारदाता
धनगढी, २८ फागुन । कैलालीके घोडाघोडी नगरपालिकामे कारके ठक्करसे १ जाने पैदल यात्रीके मृत्यु हुइल बा ।

पूर्वपश्चिम राजमार्ग अन्तर्गत घोडाघोडी नगरपालिका–१०, पहलमानपुर स्थित कान्द्रा पुल लग्गे बा १४ च १७२२ के स्कारपीयोसे ठक्कर डेहेबर उहे ठाउँके अन्दाजी १६ वर्षिया पूर्णिमा चौधरीके मृत्यु हुइल सुदूरपश्चिम प्रदेश ट्राफिक प्रहरी कार्यालय अत्तरिया जनैले बा ।

गम्भीर घाहिल हुइल ओहकान उपचारके क्रममे कोहलपुर मेडिकल कलेजमे मृत्यु हुइल हो । ओस्टके स्कारपीयोके ठक्करसे औरे पैदल यात्री घोडाघोडी १० के १५ वर्षिय गणेश रावल घाहिल हुइल बाटै ।

ओहकान घोडाघोडी अस्पतालमे उपचार हुइटी रहल बा । स्कारपीयो ओ चालक गौरीगंगा नगरपालिका–८ बैठुइया २२ वर्षिय प्रकाशबहादुर चौधरीहे इलाका प्रहरी कार्यालय सुखड नियन्त्रणमे लेले बा ।