भागरथी हत्याके अभियुक्त बाल सुधारगृहमे

धनगढी, २८ फागुन । बैतडीके दोगडाकेदार गाउँपालिका–७, चडेपानीके भागरथी भट्टके बलात्कारपाछे हत्या करल अभियोग लागल दिनेश भट्टहे पुर्पक्षके लाग डोटी बाल सुधारगृहमे लैगिल बा ।

जिल्ला प्रहरी कार्यालयके प्रहरी निरीक्षक कान्तिराज जोशीके अनुसार उहाँहे बिफेक रोज बालसुधार गृहमे लैगिल हो । जिल्ला अदालत बैतडीसे १६ बरस उमेर रहल कारण दिनेशहे पुर्पक्षके लाग सुधारगृहमे राख्न आदेश डेहलसंगे उहाँहे डोटीके सिलगढीमे रहल सुधारगृहमे राखल बा ।

बैतडीके दोगडाकेदार गाउँपालिका–७, चडेपानीस्थित सनातन धर्म माविमे कक्षा १२ मे पह्रना भागरथीहे ओहे विद्यालयमे पहु्रइया दिनेशहे बलात्कारपाछे हत्या करल अभियोग लागल बा ।

भागरथीके शव गैल माघ २३ गते चडेपानीके खोचलेक–चडेपानी ग्रामीण सडकके लवलेक बनुवामे
भेटल रहे । ओहककान कारावास सजाय भर अदालतसे अब्बेसम नैतोकल प्रहरी जनैले बा ।