‘अनुदान काम करुइया पाई परल’
पहुरा समाचारदाता
धनगढी, २९ फागुन । धनगढी उपमहानगरपालिकाके नगरप्रमुख नृपबहादुर वड अनुदान काम करुइया पाई पर्ना बटैलै ।
शनिच्चर घरेलु तथा साना उद्योग महासंघ कैलालीके नवौं जिल्ला अधिवेशन तथा महिला उद्यमी समिति कैलालीके आठौं जिल्ला अधिवेशनके उद्घाटन करटी यैसिन धारणा राखल हुइट । ‘काल्हके दिनसे अनुदानके लाग काम करुइया केल राज्यसे सुविधा डेना करल विल्गाइठ नगरप्रमुख वड कहलै, ‘अव काम करुइया केल अनुदान पाई परल ।’
काम करे चाहुइया राज्यसे अनुदान लेहे नइसेक्के उद्यामशिलता फष्टाई नइसेकल हो नगरप्रमुख वड कहलै, ‘धनगढी उपमहानगरपालिका पहुँचके भरमे अनुदान वितरण कैना परम्पराके अन्त्य करले बा ।’ धनगढी उपमहानगरपालिकासे महिला उद्यमीहे प्राथमिकतामे धारके काम करटी रहल नगरप्रमुख वड बटैलै । उहाँ कहलै, तीन बर्षके अवधीमे ३ हजार २ सय एकल महिलाहे उद्यमशिलतामे लगाइक लाग काम करले बटी ।’
घरेलु तथा साना उद्योग महासंघ कैलालीके अध्यक्ष पुष्कल शर्मा बहुट संघर्षके बालजुत घरेलु तथा साना उद्योग महासंघ कैलालीहे अब्बेक अवस्थामे पु¥याई सेकल बटैलै । उहाँ धनगढी उपमहानगरपालिकासे घरेलु तथा साना उद्योग महासंघ कैलालीहे सक्कु क्षेत्रसे सहयोग ओ समन्वय करल बटैलै ।
घरेलु तथा साना उद्योग महासंघ कैलालीके नबौं जिल्ला अधिवेशन तथा महिला उद्यमी समिति कैलालीके आठौं जिल्ला अधिवेशनके बन्दशत्र सुरु हुइल बा । अधिवेशनसे लौवा नेतृत्व चयन कैना बा ।
