किरन नेपालके अर्धवार्षिक साधारण सभा
पहुरा समाचारदाता
धनगढी, १ चैत । कैलाली एकीकृत उत्थान कार्य संजाल नेपाली (किरण नेपाल) के पहिले अर्धवार्षिक साधारण सभा शनिच्चरके रोज निम्जल बा ।
कार्यक्रमके उद्घाटन कैलारी गाउँपालिका वडा नम्बर–३, उत्तरभर्रीस्थित संजालके प्रमुख अतिथि गाउँक भल्मन्स तथा पुर्व डिएसपि सन्तराम चौधरी करले रहिट । कार्यकर्ममे भल्मन्सा चौधरी कौनो फेन काम करेबेर बाधा, अर्चन, कस्त ओ चुनौतीसँग लरके काममे आघे बह्रेपरना बटैलैं ।
संस्थाके सल्लहाकार मणिराम बखारिया छोट समयमे फेन गाउँमे मजा काम करल बटैलैं । काम करेबेर हातेमालो करके आघे बह्रेपरठ ओ पिछरल व्यक्तिहुकनहे आघे बह्राइक लाग सीपमूलक काम करके रोजगारके सिर्जना करेपरना बखरियाके कहाइ रहे । अस्टेक बुद्धिजीवी दयाशंकर चौधरी संस्थाहे सहयोग करना प्रतिबद्धता व्यक्त करलैं ।
कैलारी स्मार्ट समन्वय क्लवके सचिव लक्ष्मी दहित, सहसचिव होरीलाल चौधरी, संस्थाके सदस्य लक्ष्मण चौधरी, लोकेन्द्र चौधरी, दिनेश चौधरी संस्थाके बारेमे जनकारी डेले रहिट ।
संस्थाके अध्यक्ष अमृतचन्द्र चौधरीके अध्यक्षतामे हुइल कार्यक्रमके संचालक सचिव मुकेश बखरिया करले रहिट कलेसे स्वागत सदस्य मेनु चौधरी करले रहिट ।
उ अवसरमे भल्मन्सा सन्तराम चौधरी ५० हजार रुप्या चेकमार्फत सहयोग हस्तान्तरण करले रहिट ।
