अकोरावके नवनिर्वाचित पदाधिकारीहे सम्मान

पहुरा समाचारदाता
धनगढी, ३ चैत । नेपाल प्रेस युनियन कैलाली शाखा सोम्मारके रोज धनगढीमे सामुदायिक रेडियो प्रशारक संघ (अकोराव) मे नवनिर्वाचित केन्द्रीय सदस्य केशव भट्ट, सुदूरपश्चिम प्रदेश समितिके अध्यक्ष जगत खड्का ओ प्रदेश सदस्य कमल जोशीहे स्वागत तथा सम्मान करले बा ।

नेपाल प्रेस युनियनके शाखा अध्यक्ष श्रवण देउवाके अध्यक्षतामे हुइल कार्यक्रममे अग्रज पत्रकार मनमोहन स्वाँर, नेपाल पत्रकार महासंघके केन्द्रीय सदस्य मीन बम, सूचना तथा सञ्चार विभागके सदस्य टेकराज अवस्थीलगायत मन्तव्य व्यक्त करले रहिट ।

कार्यक्रमके सञ्चालन नेपाल प्रेस युनियनके सचिव सीताराम ओझा करले रहैं कलेसे कार्यक्रममे नेपाल पत्रकार महासंघ कैलाली शाखाके कोषाध्यक्ष हिमाल जोशी, पूर्व अध्यक्ष भरत शाह, आदिवासी जनजाति पत्रकार महासंघ सुदूरपश्चिम प्रदेशके अध्यक्ष भीम चौधरीलगायतके उपस्थिति रहे ।